Os Magos na Barrela

Chegaron os Reis á Barrela e alí estaba a nosa amiga Sara de Trasar (como pode verse no vídeo de Televinte)

Regalo de Reis enxebre

Na internet atópase de todo, a xente ten humor, que ben cómpre

Os nomes da Aguada

Tamén levamos algúns eidos na Aguada de Carballedo. De novo miramos o que di Don Nicandro Ares sobre os nomes dos lugares.

Aguada: auga levada, traída ou abundante (aqualata)

Agrexán: agro de Xián ou de Xoán

O Alto das Lamas: como o nome indica

Bidueiros: árbores do mesmo nome (betula)

A Corveira: sitio frecuentado por corvos (corvus)

A Eirexe: o lugar da igrexa (ecclesiae)

Enxerto: plantación de árbores, árbores enxertadas (insertus)

Fufín: do nome de persoa Fufinus ou Fofinius

Marrubio: nome de planta e dunha cidade en latín, marrubius

Nodar: do nome de persoa Notarius

Pico: alto dun monte, picus

Quintela: antes foi Quintanella, que viña de Quintana –mercado-, derivado de Quinta (parte dos froitos que se pagaban de renda ao dono)

Sever: (vila de) Severio, nome de persoa

Noite de temporal

O temporal deixounos sen luz e houbo que procurar un grupo electróxeno para podermos munxir

Vídeo do Hospital do Incio

Moitas horas lle dedicou o noso tío Don Ángel, que sae citado no vídeo

Santo dos Manuel e Manolo

Aínda que non o celebre hoxe é o San Manuel, así que de parte do Xosé Manuel felicidades para o Manolo do Tío Bernardo, o Manuel A. Glez. Simón de Canarias, o Manuel futuro fisioterapeuta, o Xosé Manuel García, o Manel e para todos os Manueles e Manolos amigos dos Parentes ou visitantes das súas páxinas na rede.
Aínda así imos ver como están as navallas

 

O ano acabou ben, ou iso pensa a cadela vendo as uvas

E a Pilar de Baixo segue coas súas visitas coruñesas (Anita)