Felicitación do novo ano en palabras do Manolo do Tío Bernardo

O primeiro de xaneiro será o primeiro do ano,
por moita forza que fagan nada poderá cambialo.
Comezará á mañá cediño e rematará de noite,
será un día coma os mais, coma o de onte e coma o de hoxe.
Virá un vento tan venteiriño que erguerá as pallas do chan,
caerán chuvias tan fortes que onde caian mollarán.
Cantará o galo ás escuras e o merlo coa luz do día,
está xordo o que non escoita e está cego quen non mira.

Di o Manolo que antes os almanaques traían  o tempo para todo o ano. O caso é que estaban en decembro facendo o do ano seguinte cando lle dixo a filla ao pai: papá, non me poña neve no agosto que me quero casar.

(son as cousas do Manolo) 

Saúdos para o Caballero de Viana

Despois da peghotada (inocentada) de onte, saúdos para o Caballero de Viana, un dos profesionais que máis entende de carne do mundo mundial

Nova liña de traballo nos Parentes a partir de hoxe 28 de nadal

Como non hai xeito de que nos paguen ben o leite abrimos unha nova fonte de ingresos. Imos dedicar a nave máis pequena a unha nova facenda: crianza de cadelos de compañía de tamaño pequeno. Vai estar dirixida pola Marta Cerviño e contará con asesoramento externo; para a cría a Lucita de Lobelle, para o coidado a María do Viorteiro. Xa temos apalabrados tres comerciais para a venda, son os tres irmáns Youseef, Sanaa e Ismael, grandes amigos dos Parentes e axudantes de carretilla da Pilar de Baixo.

O parente Anxo de Pontevedra vainos facer unha aplicación de móbiles para poder encargar e descargar o can desde o propio teléfono.

 

Felices festas!

Xa nos chegou o Papá Noel

Non hai máis ca ler La Voz de Galicia para ver como o noso Papá Noel veu cheo de carbón

Curso de calidade do leite

Grazas, María de Icos, por nos enviar as fotos

Dalí ó outro día da Santa Lucía

 

En Vilar do Monte, pé de cabaceiro e hórreo con millo

A casiña dos soños

Tapas chantadinas

Parabéns para os gañadores, especialmente para o Víctor do Cantón

Codesos ou escodesos

Onde hai troncos fanse cavacos

É un dito que nos manda o Fran Vences desde Pazos de Codesedo na Limia ourensá. Os cavacos é o que nós lle chamamos pitelas. Seica quere dicir que onde se procurou a vida sempre hai fartura, que cando se fai por algo recóllense os resultados.

E aproveitamos para dúas instantáneas outonizas. 

A primeira é diante do centro de traballo da Maricarmen na Coruña

A segunda fíxoa o  Xan e vese que aínda quedan zarrotes

Montaña de pacas

Seica para a película esa Exodus colleron parellas de bois vascos, moito deben comer, véxase esta montaña de pacas a 70 km de Bilbao

Ricas frebas cas Gil

Tradición e modernidade no Incio, no Hospital

Dúas fotos publicadas por Terras do Incio, nunha vemos hai ben anos o noso tío e noutra o actual anuncio de cursos de inglés

Naceu o .gal

Os Parentes andamos moito na Internet e falamos galego por iso apoiamos moito o dominio .gal. Nós coma xa temos osparentes.eu non o precisamos, pero o noso parente Paulo xa se estreou o primeiro día cun .gal: http://paulo.gal (que leva á súa páxina de matemáticas)

Estampa campestre

Fermosa estampa campestre con Lobelle ao fondo. Nela un tío (Guerra) axuda a súa sobriña (Gil) nunha tardía esfolla de millo. Vese que hai colleita e se hai "reinas" e "escribientas" case dan ganas de apuntarse