Lobelle e Miranda de Ebro

Foto dos castiñeiros da Marta do Gil en Lobelle, antigos e produtores de moita castaña sabedeira. 
E foto que nos mandan os parentes Paulo/Laura desde a Castilla do outro lado do lado de alá, Miranda de Ebro: que ben vestidiñas están as árbores!

Trebello e solpor

Din que vai mudar o tempo, pero segundo a foto "rubio para Useira, vellos á raxeira", así que non se venta moita mudanza.
Saben para que é este aparello? pois para o podólogo das nosas vacas, teñen que ter as uñas moi coidadiñas para non pillaren infeccións

Unha de Vales bailando flamenco: Sabela Hermida

Sabela Hermida aínda que naceu en Vigo é filla do Modesto de Vales e bisobriña da Señora Pura do Neiro, e que ben baila flamenco, e que ben fala o galego... Aquí podemos vela. No minuto 20 hai unha interpretación de García Lorca preciosa.

Feira en Penasillás

Di o Manolo do Tío Bernardo que o día 2 se fai feira en Penasillás, que se come moi ben a carne e o polbo. E como un conto leva noutro tamén falou do Señorío de Cartelos e arrematou cun refrán:

Señores de moitos lugares nin boas ceas nin bos xantares (porque non paran e andan de aquí para alá)

Espiga agromando

Curiosa imaxe dunha espiga semienterrada, sorprende como se multiplica ela soa

Para saber máis do San Lucas, na voz de Pegerto Torres

As San Lucas

Hoxe é a romaría das San Lucas, con moita sona aquí onda nós, dicíase que había algún borracho que outro porque xa se probaba o viño novo da ribeira chantadina.

Xa hai anos que un grupo de mozos saíron de Trasar para alá sen saber ben o camiño e guiándose polas bombas.. hoxe algúns deles xa se xubilaron. Quen si sabía ben o camiño era o Gumersindiño que un ano ... de pronto desaparecera o rapaz ... todos a buscalo e el arrincara pola estrada camiño de Esmoriz e Vilaguillulfe

Cornello e corner

O noso curmán maior, Don Benigno, (será como ten o Miguel en Escocia) anda a reparar nas palabras e viu que esquina case se di o mesmo onda nós ca en inglés: cornello (nós) e corner (eles). Pois vaia coincidencia, será por iso que se lle dá tan ben o inglés ao Miguel? Será porque as dúas palabras teñen a base no latín cornu?

Día Internacional da muller rural: 15 de outubro

Aquí sempre houbo muller rural: nais, avoas, fillas, tías, esposas, madriñas ...

O Pazo de Cartelos na TVG

O día das Pilares a TVG emitiu un programa, Que casas! e nel saíu o Pazo de Cartelos. Que ben explicadiño todo polo noso amigo Constantino González, hoxe quen máis sabe no mundo sobre o pazo. E non o compra, que o herda, xa seu pai, O Carteiro de Trasar, sabía ben cousas de Cartelos.

Refrán do Manolo do Tío Bernardo

O home que espante e a muller que encante

O xabarín

A primeira vista alguén pode pensar que son moreas de terra provocadas por unha toupa (tiopa onda nós). Pois non, todo isto é obra do porco bravo nunha noite

Os enigmas de Chantada: Velaísca

Carmen e Antía andan nisto:

 

Son Velaísca

Apañando nas patacas

Despois do día de festa de onte ... hoxe apañamos as patacas nun pis pas antes de chover

O Xosé, padriño da Triana e a Festa do año

Despois dunha semana de duro traballo hoxe domingo é día para festas. O Xosé e a Marta no bautizo da Triana. Outros na festa do Rosario Cas Luz en San Mamede. 

E no pallar da Casa de Baixo convidou a familia marroquí que vive en Trasar á súa Festa do año. Foi un pracer compartir con eles este día tan importante na súa cultura. Na foto ben se ve como disfruta a Sara:

Meteorito no Incio

Pono La Voz de Galicia (ver). O caso é que Álvaro Pereiro é o escultor que tallou o busto do noso tío Anxo o cura do Incio. Alá por onde ande o seu espírito ha estar dicindo: iste rapaz si que entende de pedras

Abel

Grazas ao traballo do grande maquinista Abel a ensila vai caendo

Xogando no móbil

Mentres rematamos a ensila Espe Gesteira e Anxo González mándannos esta aplicación-xogo para móbil-tableta. Pode descargala aquí ou co móbil no qr da imaxe