Formigueiro grande

Vaia formigueiro grande topou o Xan

Andamos apurados botando no millo

Máis ICOS

Máis contos do Manolo

Os seguidores do blog dos Parentes son adictos ás historias do Manolo do Tío Bernardo e sempre andan a pedir máis. Pois aí lles vai outra.

 

Isto eran dous rapaces que quedaron orfos, os pobres, e a cargo dun tío que tiña moitos cartos. E velaí a conversa dos dous irmáns cando finou o pobre do home.

-Ai, e o tío aínda che nos deixou ben cartos!

-Si oh, aínda che nos podía deixar máis!

-E deixóuchenos os que tiña!

-Pero o tío fumaba tabaco do caro!!!

(vamos que se fumase do barato aínda deixaría máis)

E como estamos en maio di o Manolo que “o que en maio se molla en maio se enxuga”. Como xa son os días longos aínda que chova sempre ha saír o sol para secar. Por iso tamén se di que non hai maio sen torbós nin homes sen collós

Paxaro descoñecido

Apareceu por Basán lesionado, algún dos nosos amigos da Internet sabe de que paxaro se trata?

O can de palleiro protagonista en Rusia

O que nós non valoramos outros o fan. Non fai falta saber ruso para entender este programa sobre o can de palleiro galego, a vaca cachena:

Parabéns para Casa Barbeiro de Alfoz

Super vaca en La Voz de Galicia

Día das Letras Galegas 2014

Seixa hoxe é o Día das Letras Galegas. Nós nin tempo tempo temos a mirar que andamos acabando a ensila e tapando os silos, disque para a semana xa chove e tamén temos que botar o millo. Así que para nós é todo o ano en galego: na fala, na escrita, no blog, na web, é a fala dos nosos pais e avós e regaláronnola, de balde! Onte ao rematar a xornada vimos que xa tiñamos o .gal que levamos pedindo na nosa web hai anos. A nosa é .eu porque non había .gal, que se non... e xa imos coller o tractor que non hai tempo que perder, boas letras e boa internet! Viva a nosa fala e viva a Internet! (o que é por nós non ha quedar)

Ensila da herba 2014

Andamos ensilando. Bonita vista. Tempo firme e os días grandes. Como dicía o Cesteiro: máis ou menos como o ano pasado por este tempo (foto Xan)

Xuntanza das mulleres rurais

Ensilando e unha apóutega

Empezamos a ensilar, tempo de "pica boi" . Mentres arrincamos e non ... pois atopamos unha apóutega (RAG: Planta da familia das rafflesiáceas (Cytinus hipocistis), parasita das raiceiras das carpazas e doutras cistáceas, de talo branco e follas en forma de escamas carnosas amarelas ou laranxas e flores sen pecíolo da cor do azafrán ou carmesí, apiñadas)

Outra volta da festa da carne ao caldeiro en Castro

A doutora dona Laura González

Segue a tradición dos médicos de familia nos González, agora dona Laura tamén vai comezar o seu traballo de médica en Pontevedra. Ha dar unha boa doutora.
Igual un día lle vén un paciente e...
-Paciente: quero unha vacina antibritánica
-Laura: dirá antitetánica
-Paciente, o que vostede queira pero eu co que me manquei foi cunha chave inglesa
Ou igual chega outro paciente e..
-Paciente: cando apreto co dedo na barriga, doime, cando apreto na cara, doime, cando apreto na cima do peito doime, eu non aturo, doutora..
-Laura: pois vouno mandar ao especialista a ver que nos di.
Dous anos despois cando xa puido ir ao especialista ...
-Laura: xa vexo que está mellor, que lle dixo o especialista?
-Paciente: que tiña o dedo roto, doutora
Sorte para a parenta Laura no seu MIR!!!

Saúdos desde as Asturias

O parente Anxo manda saúdos desde as Asturias onde anda ocioso estes días, alí están coa semana das mazairas en flor, hai moitas e boas vacas, e mellores chocas

Comer castañas o 1 de maio

Di a Marta que hoxe é obriga comer unha castaña, que en Vilardemulleres todos o fan, trae boa sorte para que non ruben o gando. Noutros lugares polo día de hoxe dábasalles aos necesitados maiolas ou castañas asadas