Neve 2

Agora á tarde xa choveu e a neve baixou. O correspondente dos Parentes en Puebla de Sanabria (Paulo) envíanos esta foto para que se vexa como caeu alí, ata se suspenderon as clases no Instituto Valverde de Lucerna.

Neve

O que é dar dérona e o que é chegar chegou...

Trasar

Sabemos que o nome de Lobelle vén de que por aquí había moitos lobos. O que non sabemos é de onde vén Trasar. De Carballo ou De Sabugueiro está claro que sería porque había nun carballos e noutro sabugueiros. Pero, Trasar? Se algún dos nosos lectores nos pode axudar aínda llo habiamos de agradecer

Figadeiras

Empezou a tempada das figadeiras que é como lle chamamos en Trasar de Carballo ás matanzas do porco. Xa pasou o San Martiño, xa podemos matar o porquiño. E como hai que adaptarse aos novos tempos de innovación no xantar, velaquí a presentación de fígado con patacas que fixo o informático dos Parentes na casa do Tío Bernardo.

As nosas vacas tamén son artísticas

Resulta que as nosas vacas non só son boas para dar leite, tamén poden lucir nunha exposición fotográfica de Olláparo (retratadas polo Bernardino) en Boiro. Se Boiro lles queda lonxe poden velas aquí

Outra vez o xabarín

Rise de nós. Alguén dixo que se pos un plástico branco no prado que non foza, pero non fixo caso del e seguiu a fozar. Temos que seguir buscando métodos para que non estrague os prados

Onde se inventou a carne ó caldeiro?

El Progreso, 24 de xullo de 2000. Ramón Rodríguez Porto:

Son moitos os amigos e amantes do arte culinario que aseguran que a vitela ó caldeiro nace á sombra da casa forte de Cartelos, solar dos Temes. Suponse que, orixinariamente, arrieiros de orixe maragata serían os que popularizarían os pratos de madeira, alternando este prato co polbo polas feiras galegas. A vitela ao caldeiro arraigou sobremaneira nas celebracións do municipio. Era un prato moi popular nas feiras que A Barrela celebraba o día 13 de cada mes e nas de Castro o 17 e o 29. Este prato ten nos frades de Oseira a un dos seus grandes impulsores. Conseguiron que se convertese nun xantar non soamente de freires, senón tamén de feirantes, de arrieiros e de campesiños dado que non precisa de artificios gastronómicos para a súa elaboración.

(Aclaración dos Parentes: o noso curmán maior di que os vellos de Vilaguillulfe sempre lle chamaban vitela á carne de becerro)

Os Parentes no xubileo

A Pilar, a Marta e a Maricarmen foron a Santiago gañar o xubileo: abrazo ao apóstolo, rezo diante da tumba, misa do Arcebispo e Botafumeiro. Co día que estaba o sacrificio foi dobre, para cruzaren o Obradoiro tiveron que se agarrar ben ós paraugas.

Quentando o viño na adega do Xosé

Tratase de subirlle a temperatura ata 21 graos e provocar outra fermentación para desfacerse do ácido málico.

Para cabalos Ourense

Pódese ver na Región

Milleirós

E para magostos Milleirós

Pequeno susto

O humor do Manolo do Tío Bernardo

Xa leva un mes internado por mor dunha cadeira que lle dá ben a lata. E aínda así sempre ten un conto a man. Falando hoxe do Papa que vén o sábado ... contou cando un día na cantina a señora Teresa viu que saía o Papa na televisión e foi correndo onda o home: Avelino ven pronto que está saíndo o Papa na televisión e nunca o viches. Tampouco il me viu a min nunca, respondeu o señor Avelino.

Así quen non queira ou non poida ir o sábado a Santiago que aplique a filosofía do señor Avelino.

Vacas ben duras

Estas non son pintas, coma as dos Parentes, e levan unha vida máis dura a 1500 m de altitude

Puebla de Sanabria

Mándannos saúdos de Puebla de Sanabria