Seguimos coa ensila

Está tarde en Casvicente do Guerra. Mañá retomamos a ensila. Falta algunha, imos con retraso pero non descansamos, e xa estamos preparando para sementar o millo

 

O Angazo do Santiago na Coruña

Graciñas ao Luís Valcárcel da Coruña por nos mandar estes recortes de La Voz de Galicia que tan ben falan do Angazo do noso benquerido Santiago Diéguez

 

Toca ensilar a herba

Retomamos a ensila

Televisión arxentina

Hoxe visitáronme dunha televisión arxentina, alá tamén andan as cousas regular

As cousas do Luís da Vila do Cabo de Antas

O Luís vén todos os anos á vendima do Xan en Carcacía e sempre trae contos frescos. Agora acaba de compartir na Internet as súas lembranzas de rapaz en Antas, no concello pontevedrés da Lama: como curar a un rapaz que non come, o mal de ollo, as dores de cabeza, os paxaros...
Pinchar na foto:

 

Día das Letras Galegas: Manuel María

Nós celebramos esta festa todo o ano, usando en todos os lugares a nosa lingua, como ten que ser. Pero xa que hoxe é a festa, as festas tamén son para celebrar e facémolo escoitando a entrevista que a María José lle fixo a Manuel María hai moitos anos sendo ela estudante no Instituto de Chantada e alumna de Carmen Blanco e Claudio Rodríguez Fer.

Para escoitar pinchar na foto de Manuel María:

 

De compras e frases

-Pilar de Baixo: Hai que deixar andar o can coas rodas (hai que deixar andar as cousas, cada un como as quere el).

-Lolita Conde Ogando: Quen ao ano andou e aos dous falou, bo leite mamou (non cómpre explicación)

-Xosé Manuel dos Parentes: O home do mandil cágome nil, pero o que non o ten rabea por il. Aquí onda nós, Mandil: prenda utilizada para se cubrir da chuvia e do frío, cubría as costas e a cabeza. Era propio das mulleres, pero os homes se non o tiñan cando chovía quen llelo dera…! De aí o dito do Xosé.

Onte aproveitamos día de chuvia para compras:

 

TRES VACAS NOSAS ENTRE AS MELLORES PRODUCIÓNS VITALICIAS DE GALICIA 15

Velaquí os tres diplomas de honra, estamos moi contentos con elas

 

O xabarín traballa gratis

O Xan tamén cava a ribeira co sistema torrón volto... pero o problema é que o cavador é algo trapalleiro, non cobra pero tampouco fai ben ningún o xabarín

 

Patricia Regal López

Interesantísima entrevista a Patricia Regal López, veterinaria, amiga e colaboradora dos Parentes (e filla dos nosos amigos María e Moncho da Barrela)

VER A ENTREVISTA

 

A bailar ente as vacas

Bo día, amigos dos Parentes. Con este vídeo dannos ganas de poñernos a bailar mentres traballamos. Que pándegos son estes...

No Pazo de Cartelos

Xornada de campo no Pazo de Cartelos cos técnicos do Centro de investigacións agrarias de Mabegondo

Botando nas patacas

Hoxe mesmo que está bo día:

 

E como nos traballos sempre cómpre un capataz, contratamos o Sito:

Vestirse de domingo

Antes nos nosos lugares o domingo a xente poñía a roupa nova e ía á misa. Mesmo nós cando eramos rapaces e empezabamos a fumar, pola semana adiante Celtas (5 ptas.) e os domingos Ducados (10 ptas.). 

De aí un dito do M do TB que fala con humor de poñer a pobre roupa nova o domingo:

o domingo chaqueta nova, pantalón roto e caralla fóra

Onde comer ben na Coruña?

Para comer ben na Coruña, un lugar ao coidado de Santiago Diéguez:
Restaurante Angazo.
Rúa Amparo López Jean, 24 b
A Corveira 
Cullerredo.
Tlf 981 903 270