Sacar os abrigos

Pasou a fin de semana cos festivos e o tempo das figadeiras en moitas casas!
Di a Pilar de Baixo que antes pola Conceución era cando as mulleres sacaban os abrigos
E vén aí a Santa Lucía que en Cartelos había un bocado nas casas para a familia moi achegada

Finaron dous amigos do tío Anxo do Incio

Foi en abril de 2006 cando nos deixou o noso guía, o tío Anxo cura do Incio. Hoxe ha estar contento alá no ceo no que el cría porque xa lle poderá contar os contos atrasados ao seu amigo de moitos anos, o tamén cura Xosé Alvilares "O Marelo". E háselles xuntar outro que foi cura e galeguista coma eles o Xosé Chao Rego, de que nos falaba tamén con moito agarimo. E como tamén ha de andar por alí o Xosé Neira vilas, pois San Pedro hoxe vai ter que lles pagar unha pulpada e carne ao caldeiro aos galegos e galegas de por alí.

As cousas con humor, como a el lle gustaba. Unha vez que o fomos ver ao hospital que estivera moi grave, dixo: boh... é que estaba a porta do outro mundo pechada e en lugar de petar, díxen eu vólmome unha temporadiña prá terra.

Na foto nas Médulas co Marelo no 2003 

Carrabouxo

Colleita de herba do demo

Vaia colleita de estramonio "herba do demo"! e naceu por simpatía, non fixo falta sementar,  sorte que non é  nosa a finca; pero algo pode chegar, é na do veciño

 

Acabouse a esfolla do millo (despois de centos de anos)

Hoxe tocou recoller millo para o hórreo, foi rápido e limpo , para o ano máis e mellor. Non coñeciamos a máquina pero quedamos encantados

 

A Peneda Cabezuda

Xa temos estado na Peneda Cabezuda pero nós non sabemos mirar ben o que alí hai como nos explican aquí en Televinte