Murteiros e calçots

Aquí onda nós chamámoslle murteiros aos sitios onde se poñen os tomates/leitugas/cenorias/repolos ... Hai xente especialista en reciclar, coma este que montou un pequeniño murteiro diante da casa aproveitando un vello berce metálico

Hoxe a familia González Fernández está en LLeida acompañando a farmacéutica Encina e mándannos foto do que hoxe xantaron, os típicos calçots cataláns

O Tío Pancho no 14 de abril

"Si me muero mañana, ya me muero tranquilo, se ha roto el eslabón de la Esclavitud" berrou o Tío Pancho (irmán do noso bisavó Ángel) saíndo ao pendello do Arrieiro en Trasar de Carballo co brazo erguido e o dedo índice estirado. Como estivera en Cuba falaba sempre o Castelao. E foi un día coma hoxe, o 14 de abril de 1931. Parece que a República durou pouco e os de sempre volveron enganchar o "eslabón" (fonte: Manolo do Tío Bernardo, a nosa enciclopedia)

Don Bernardino en La Voz de Galicia do Barbanza

Ver a nova

Peneda Cabezuda

Xa falamos o outro día da exposición aberta no Centro Social de Boiro neste abril (fotos de Eduardo e Bernardino). O noso curmán converteu esta foto da Peneda Cabezuda nunha das xoias da exposición, facendo país. Esta peneda vese perfectamente desde a solaina da Marta do Gil, aínda que non con este perfil.

Veterinarios/as

Dedicado aos veterinarios e veterinarias que tan ben traballaron sempre cos Parentes

A Lupe e o Pepe de Trasar de Sabugueiro

Dá xenio velos celebrando as vodas de ouro rodeados dos seus. Que sexa por moitos anos que ben o merecen!!!